திங்கள், 13 ஆகஸ்ட், 2018

ரூபம் இரண்டு


Image result for VISHWAROOPAM 2

ஒரு ஆங்கில ஹாலிவுட் படத்தை பார்த்ததை போல உள்ளது ...நேர்த்தி ...

வெள்ளி, 10 ஆகஸ்ட், 2018

வெற்றிடம் .....

கண்ணீர் அஞ்சலி 







(படம் நன்றி நக்கீரன் )



தனித்து விடப்பட்டது  இந்த நாற்காலி மட்டும் அல்ல தமிழகமும்  .....


திங்கள், 6 ஆகஸ்ட், 2018

மாற்றும் ஏமாற்றும் ...

ஹீலர் பாஸ்கர் கைதை ஒட்டி  இந்த மாற்று மருத்துவ முறை விவாத பொருளாக பேசப்படுகிறது ..


நமது வழக்கத்தில் உள்ள அலோபதி மருத்துவ முறை பற்றி அதில் உள்ள குறைகளை பூதகரமாக்கித்தான் இவ்வித மாற்று மருத்துவமுறை பற்றி கதையாடல்     பின்னப்பட்டுள்ளது ..

 உண்மையில் அலோபதி மருத்துவ முறையில் குறைபாடுகள் இருக்கிறது அதை டாக்டர்களே மறுப்பதில்லை. ஆனால் அவற்றில் உள்ளவை குறைதான் தவிர அந்த மருத்துவ முறை தவறு என்று இந்த புதிய விஞ்ஞானிகள் கூறுவது சற்றும் ஏற்கமுடியாது...  அது ஒரு  சொத்தை வாதம் .. பெரும் கதை ..

காசு பார்ப்பது விளம்பரம் தேடுவது போன்றவையே இவர்களின் நோக்கமாக உள்ளது .. அலோபதி மருத்துவம் என்பது உலகலாவியது மேலும் மேலும் திருத்தப்படுவது - ஆராய்ச்சி மற்றும் வளர்ச்சிக்கு உட்பட்டது .. எல்லாவற்றும் மேலாக அலோபதி மருத்துவ முறை என்பது வெளிப்படையானது - மூடு மந்திரமில்லாதது என்பதை உணரவேண்டும் .. 

அதை விடுத்தது அதன் மேல் சேற்றை வாரி இறைத்து இந்த மாற்றுக்கள் சொல்பவர்கள் முதலில் தங்களை நிரூபிக்கட்டும் .. 

அதை விடுத்தது மனித உயிர்களுடன் விளையாடக்கூடாது ...

வெள்ளி, 3 ஆகஸ்ட், 2018

கலைஞர் ....


Congress president Rahul Gandhi meets DMK supremo M Karunanidhi

கலைஞரின்  வயோதிகமும் நோயும் அவரை துவள வைத்திருப்பதை பார்க்க வேதனையாக இருக்கிறது 

கலைஞரின் உடல் நலிவு பற்றி பலரும் பல விமர்சனங்கள் கருத்துக்களை சமூக ஊடகங்களில் சொல்லி விட்டார்கள் ..   

முன்பு அசமத்துவத்திற்கு ஆதரவானவர்கள்  அவரை எதிர்த்துக்கொண்டிருந்தார்கள் .. இப்போதும் அவ்வாறே அந்த வகையில் எதிர்க்கிறார்கள்  

தற்போது முள்ளிவாய்க்கால் நிகழ்வுக்கு பிறகு என்று எதிர்ப்பவர்கள் சிலர்  உண்டு 

 
 தன் வாழ்நாள் முழுவதும் மனிதர்களிடம் பேதமில்லை என்கிற பார்வையே கொண்டிருந்தார்   என்னை பொறுத்த வரை அதுதான் என் மனதில் கோபுரமாக அவரை உயர்த்தி வைத்திருக்கிறது 

. தமிழகத்தில் எனக்கு தெரிந்த உயிருடன் இருக்கும் அரசியல்வாதிகளிடையே   இப்படிப்பட்ட சிந்தனை கொண்டவர்கள் விரல்விட்டு எண்ணிவிடலாம் (கம்யூனிஸ்ட் கட்சிக்காரர்கள் தவிர ..)

அவரிடம் உள்ள ஒரே குறை அவர் ஆட்சியில் இருந்த போது இந்த கொள்கையை அவரால் முழுமையாக நிறைவேற்ற முடியவில்லை என்பதுதான் அது அவரின் தவறல்ல என்றாலும்..... அதே சமயம் அவர் குடும்பத்தினரின் அலைக்கழிப்புக்கு ஆளானர் என்பதும் ஒரு சோகமே ..

எப்படி இருந்தும் கலைஞரின் இந்த நலிவு வேதனை அளிக்கிறது 

செவ்வாய், 24 ஜூலை, 2018

உண்மை சுடும் ...

https://tamil.thehindu.com/india/article24500604.ece

இன்றைய இந்து நாளேட்டின் சுட்டி ...

அப்போது எத்தனை பொய்கள் சொன்னீர் ...இப்போது நிலத்தடி வாரியம் யார் தலைமையில் இயங்குகிறது ...மத்திய அரசின் கீழ் இயங்குகிறது ...அப்போது அதுதான் அரசின் அதிகார பூர்வ கருத்து..... 

இந்த கருத்தை சொன்னவன் தீவிரவாதி கிறிஸ்துவ மதவாதி பாதிரியாரிடம் பணம் வாங்கினவன் என்று எத்தனை அவதூறு... அவதூறின் எல்லைக்கே சென்றீர்கள் ....இப்போது மத்திய அரசை அப்படி சொல்லுங்கள் பாப்போம்....

 மத்திய அரசின் அதிகார பூர்வ கருத்தை சொன்னதற்காகவா இத்தனை பேரை சுட்டு கொன்றீர்கள் ..

..ரஜினியை விட்டு போராட்டம் செய்பவர்கள் சமூக விரோதி என்றீர்களே  ..  மத்திய அரசின் அதிகார பூர்வ கருத்தை சொன்னதற்காகவா  சமூக விரோதி பட்டம்   ...

ஏதோ எவனோ எடுத்த பொய் வீடியோ போட்டு காட்டினீர்கள் எத்தனை பொய்கள் இப்பொது உண்மை உங்கள் முன் வெளிப்பட்டு நிற்கிறதே பொய் அம்பலப்பட்டு பல் இளிக்கிறதே ...


..புரிந்து கொள்பவர் புரிந்து கொள்ளட்டும் இனியாவது 

வியாழன், 28 ஜூன், 2018

என்றெமதன்னை கை விலங்குகள் போகும் ....

சமீப நாட்களில் என்றுமில்லாத வகையில் என்னை பாதித்த செய்திப்படம் இதுதான்




எங்கே தவறு .........இந்த இழிவை எங்கனம் போக்குவது என்று நாம் தீவிரமாக சிந்திக்கவிட்டால் .....நாம் பெண் குலத்திற்கு மட்டுமல்ல மனித குலத்திற்கே தீங்கு செய்தவர்கள் ஆகிவிடுவோம் .......

திங்கள், 11 ஜூன், 2018

காலா.....

இன்றைய தினங்களில் வரும் பல குப்பை படங்களில் காலா சற்றே வித்தியாசமான படம் என்பதில் மாற்றுக்கருத்தில்லை..

 மேலும் எங்களது இலாகாவின் தொழிற்சங்க முன்னணி தோழர் ஆதவன் தீட்சண்யா வசனம் எழுதியுள்ளார் .....

வசனங்களும் மிக கூர்மையாக உள்ளது ....பெரும் பிரச்சார நெடி வாராமல் ஒரு படத்தை எடுப்பது மிக சிரமம்... அதை இயக்குனர்       பா ரஞ்சித் நேர்த்தியாக செய்துள்ளார்...

Image result for KAALA  PICTURE

ரஜினி இந்த படத்தில் இயக்குனருக்கு அடங்கி நடித்திருப்பதை போலத்தான் தெரிகிறது 


 இருந்தாலும்... இருந்தாலும்..... அவர் இயக்கிய மெட்ராஸ் மனதில் ஒட்டியதை போல மீண்டும் மீண்டும் பார்க்க தூண்டும் அதே கலைத்தன்மை அவரின் அடுத்த படைப்பில் தருவார் என்கிற நம்பிக்கையில் அவருக்கு வாழ்த்துக்கள் 

ஞாயிறு, 3 ஜூன், 2018

தலைகீழ் உலகம்.....

தந்தி டிவியில் வைகோவுடனான பாண்டேயின் கேள்விக்கென்ன பதில் பார்க்க நேர்ந்தது..

 முதல் முறையாக பாண்டேயின் மீதான நம்பிக்கைத் தளர்ந்தது..  அதே சமயத்தில் இது நாள் வரை வைகோவைப் பற்றி சமூக ஊடகங்கள் எத்தனை மீம்ஸ்கள் கேலிகள் கிண்டல்கள் என அவரை நோகடித்திருக்கிறார்கள்... 

அவர் தமிழரில்லை என்று வேறு அவரை அவமானப்படுத்தியிருக்கிறார்கள்...   அவர் ஒரு பஃபூன் போல எத்தனை சித்தரிப்புகள்...   ஆனால் நேற்று அவர் பேட்டியைப் பார்த்த போது  இது ஒரு குருட்டு உலகமடா என்கிற வேதனைதான் மிஞ்சியது..

வைகோ அத்தனை உண்மையும்  போட்டு உடைக்கிறார்.. அதனால்தான் அவரை கோமாளி என்கிறார்கள் ..

மனதில் பட்டத்தை உள்ளொன்று வைத்து புறம் பேசத் தெரியவில்லை அதனால் அவரை பஃபூன் என்கிறார்கள்...

இதுதான் உலக நியதி போலும்...

எந்தப் போராட்டத்திலும் பங்கேற்காத எந்த மக்கள் பிரச்சனைகளையும் பற்றித் தெரியாத  வயதாகிய பிறகு  இளைப்பாருவோமே என நினைப்பதற்கு அரசியல் என்பது பொழுது போக்கு அல்ல...  

அது ரத்தம் சிந்தாத யுத்தம் என்பதே தெரியாது  ஆளும் வர்க்கம் சொன்னதை  கடமையாக ஏற்று மக்களுக்கு உபதேசம் செய்துவிட்டு போகும்  மேனாமினிக்கிகள் எங்கே...

வாழ்நாள் முழுவதும் மக்கள் பிரச்சனைகள் என அலைந்து பல வழக்குகள்  பல அச்சுறுத்துதள்  சந்தித்து வரும்  வைகோ எங்கே...

உண்மையான கதாநாயகன் இவர்தான்....  ஆனால் நாம் பொய்களின் பின்னால் அணிவகுக்கிறோம்...

 வைகோ போன்ற  முற்போக்கு சக்திகள் மற்றும் கம்யூனிஸ்டுகள் போன்ற மக்கள் நேசர்கள் பக்கம் நிற்பதால் மட்டுமே சாதாரண சாமானிய மக்களுக்கான நீதி கிடைக்கும் என்பது எத்தனை எளிய உண்மை....

THE GREATEST THINGS IN THE WORLD ARE THE SIMPLEST TRUTH.....

வியாழன், 31 மே, 2018

என்னை நினைச்சு நானும் சிரிச்சேன்....

அடாடா என்ன ஆக்ரோஷம்... சமூக விரோதிகளைக் கண்டு..  நமக்கும்தான் ஆக்ரோஷம் வருகிறது...

 ''சும்மா  போராட்டம் போராட்டம்னு கம்பு சுத்தாதிங்கய்யா...''

''சரிங்க எசமான்....''

''மீத்தேன் எடுக்கறான்.'''

''. அட ... பாத்துக்கலாம்... போராடாத...''

''ஸ்டெர்லைட் ஆலையால கேன்சர் வருது... ''

''பாத்துக்கலாம்..  போராடாத...சமூக விரோதி பூச்சாண்டி..... சாக்கிரத....''

''காவிரியில தண்ணி தரமாட்டாங்கறான்... உச்ச நீதிமன்றத்
தீர்ப்பகூட மதிக்க மாட்டேங்கறான்...''

''சு... ஸ்....சும்மா... அதெல்லாம் போராடக் கூடாது .. பாத்துக்கலாம்...''..

என்னய்யா...போராட்டம் போராட்டம்னா... சினிமா பாக்க வேணாம்....உன் ஆசையெல்லாம் திரையில் பாத்துக்கோ...
தணிச்சுக்கோ....

கமல் இந்த விஷயத்தை நாசூக்கா சொல்றார்... அவர் நிறைய  விஷயம்  அறிஞ்சவர்.... இந்த ரசினி எல்லாத்தையும்  இப்படியா போட்டு உடைக்கிறது...

குழந்தைக்குப் பேச்சே வரலன்னு கவலப்பட்ட தகப்பனைப் பாத்து  அது  பேச ஆரம்பிச்ச முத வார்த்தை  '' அப்பா நீ எப்ப சாவேன்'னதாம்... அந்தக் கதயலால்ல இருக்கு...

இரண்டு பேரும் பிஜேபியால் மறைமுகமாகத் தூண்டப்பட்டவர்கள்னு   சிலர் சொன்ன  போது  அவங்களப் பாத்துச் சிரிச்சேன்...



இப்ப என்னைப் பாத்து நானே சிரிக்கிறேன்...

புதன், 23 மே, 2018

துப்பாக்கி .......



இது ஜனநாயக நாடா என்கிற அச்சம் வருகிறது...
 நெஞ்சை பதற வைக்கிறது அந்த 17 வயது சிறுமியின் புகைப்படம் ...

அந்த பெண் என்ன அப்படி கேட்டுவிட்டாள்.. கூலி உயர்வா..? அரசு பதவி விலகவா கேட்டாள்? இல்லை தனி நாடு கேட்டாளா? 

 என் மக்களுக்கு கேன்சர் வரும் ஒரு தொழிற்சாலை வேண்டாம் என்றால் அதற்கு பரிசா இது ?

என்ன நடந்தது என்பது மக்களின் பெரும் பகுதிக்கு  தெரிந்தே இருக்கிறது ... 

மக்களை ஆள்வது கார்பொரேட் கம்பெனிகள்  என்பது பச்சையாக பட்டவர்த்தனமாக அம்மணமாக தெரிகிறது... நிச்சயம் ஒரு மக்கள் நல அரசு என்பது என்ன என்பதை வெளிநாட்டில் போய் கற்றுக்கொள்ளட்டும் ஆள்வோர் ...

திங்கள், 7 மே, 2018

கிரௌஞ்ச வதம்

 நாம் ஜனநாயக நாட்டில்தான் வாழ்கிறோமா என்ற சந்தேகம் வந்து இரண்டு நாட்களாக வேதனை விரக்தி கோபத்தின் உச்சத்திற்கே செல்ல வேண்டியிருக்கிறது


இப்படி ஒரு மத்திய அரசு  நிறுவனம் ஏழை ஜனங்களை மாணவர் செல்வங்களை பாடாய்ப்  படுத்துமா என்றே புரியவில்லை...  எந்த  நாட்டிலாவது இப்படி நடக்குமா..?


 தமிழர்கள்  என்றால் மாற்றாந்தாய் மனப்பான்மை என்று ஏற்கனவே புலம்பும்  ஒரு பிரிவின் வாதத்தை சரி என்று அரசே ஆக்க நினைக்கிறது என்று ஆகாதா ...?

பழி வாங்க வேண்டும் என்பதற்காக ஒரு அவலத்தை அரசு நிறுவனம் கட்டவிழ்த்து விடுமா ...?

NEET விவகாரத்தில் இந்த வருடம்  CBSE மற்றும் மத்திய அரசு   நடந்து கொண்ட விதம் ஒரு 

கிரௌஞ்ச வதம் 

செவ்வாய், 24 ஏப்ரல், 2018

ஆண்களை நெறிப்படுத்துக....

 நாட்டில் நடக்கும் கொடுமைகள் அதுவும் பெண்களுக்கு எதிரான வன் கொடுமைகள் என்னை போன்ற சாதாரண பிரஜைகளை கலக்கமுறவும் மன ரீதியாக பாதிக்கவும் செய்கிறது ... என்னை சந்திக்கும் என்னை போன்ற பல பெற்றோர்கள்  அவ்வாறே கருதுகின்றனர்..   

இந்த சமயத்தில் எஸ் வி சேகர் பெண் பத்திரிகையாளர்களை பற்றிய செய்தியை பகிர்ந்ததும் பலரை முகம் சுழிக்க வைத்துள்ளது .. 

இந்த இடத்தில் இரு பிரமுகர்கள்  கமல் அவர்களும்,  மூத்த வழக்கறிஞர் சாந்தகுமாரி அவர்களும்கூறிய வார்த்தைகள் முக்கியமானதாக பட்டது .. 

''பெண்களை ஒழுக்கமாகவும் ஆடைகளை சரியாக உடுத்திக்கொள்ள சொல்லும் சமூகம் ஒரு ஆணை எப்படி வேண்டுமானாலும் இரு என்ன வேண்டுமானாலும் செய் என்பது எப்படி சம நீதி ஆகும் .. ''என்று கேட்டார்கள் 

ஒரு ஆண் பிள்ளையை ஒழுக்கமாக இரு.. பெண்களை மதிக்க கற்றுக்கொள் என்று ஏன் சொல்வதில்லை... ஆண்களை நெறிப்படுத்தவேண்டியது காலத்தின் கட்டாயம்.... இல்லையேல் சமூகம் கெட்டுவிடும் .....

சமூக சிந்தனையாளர்கள் ஜனநாயகவாதிகள் இந்த ஆண் சமூகத்தை நெறிப்படுத்த வேண்டிய காரியத்தை செய்யவேண்டிய தருணம் இது .....

சனி, 14 ஏப்ரல், 2018

மகளே மன்னித்துவிடு……




கைகள் நடுங்குகின்றது… இதை எழுதவே என்னால் முடியவில்லை..  இப்படியும் ஒரு அக்கிரமம் உண்டா… ? நடக்குமா…?

மனிதன் விலங்கைக் காட்டிலும் உயர்ந்தவன் என்று இனி எப்படிச் சொல்ல முடியும்…. எந்த விலங்கும், நாயோ பன்றியோ சிங்கமோகூட தன் இனத்தை இப்படிச் செய்யத் துணியாதே…..

மகளே அசிஃபா…. உன்னை இழந்து தவிக்கும் கோடான கோடி தந்தைகளின் சார்பில் எங்கள் கையறு நிலைகளின் சார்பில்  எங்களை மன்னித்துவிடு…

உன் தந்தை “ நான் எங்கும் தேடினேன்… ஆனால் கோவிலில் தேடவில்லை.. காரணம் அது புனிதமான இடம்…“ என்றார்….

அவர் கொடுத்த மரியாதை யாருக்கு… வெட்கித் தலைகுனிகிறோம்..

ஒரு நாள் உலகம் நீதி பெறும்
திருநாள் நிகழும் சேதி வரும்
அப்போது மட்டும் நீ இந்த உலகில் மீண்டும் வா….
உன்னை பாதுகாப்போம்…

சனி, 31 மார்ச், 2018

A FEW GOOD MEN...

பல ஆண்டுகளாக தீர்க்கப்படாத பிரச்சனை தற்போது பிஜேபி தீர்த்துவிடும் என முதலமைச்சர் நம்பினார்...

 இன்னும் ஒரு நாள் காத்திருக்கலாம் என்றார்....

 கடைசி  குடிமகனுக்கும்  தெரியும் கர்நாடக தேர்தல் இன்னமும் முடியவில்லை என்று ....

இதில் எல்லா கட்சியும் ஒருவரையொருவர் சாடி கொள்வதும்  குற்றம் சாட்டுவதும் கேலி கூத்து ....இந்த பிரச்சனைக்கு  அனைத்து  தரப்பும் காரணம் ...

கர்நாடகத்தின்  அடாவடிக்கு எந்த நியாயமும்  தார்மிகமும்  இல்லை ...இருந்தும் தமிழர்கள் அமைதியாகத்தான் இருக்கிறார்கள் ...

மே மாதம் கர்நாடக தேர்தல் முடிந்து விடும்... காவேரி மேலாண்மை அமையுமா என்பதை நாட்டின் கொஞ்ச நஞ்ச நியாயஸ்தர்கள் ஜனநாயகவாதிகள் அவர்கள் எந்த மாநிலத்தில் எந்த உலகத்தில்  இருந்தாலும் குரல் தரட்டும் ...

செவ்வாய், 27 மார்ச், 2018

ஸ்டெர்லைட் ஆலை ....


ஸ்டெர்லைட் ஆலை இன்னொரு ஜல்லிக்கட்டு பிரச்சனையாகி விசுவரூபம் எடுத்துள்ளது பல நாட்கள் புகைந்து கொண்டிருந்த பிரச்சனைதான் …

ஜெ-யின் 91-96 ஆட்சிக்காலத்தில் பிள்ளையார் சுழி போடப்பட்டு தொடங்கப்பட்ட நிறுவனம் மக்கள் போராட்டத்தால் தடை பட்டு மீண்டும் கலைஞர் ஆட்சியில் பச்சைக் கொடி காட்டப்பட்டது

ஆலை சம்பந்தமாக தொடுக்கப்பட்ட வழக்குகளின் விளைவாக அந்த ஆலை 2013ம் ஆண்டில் மூடப்பட்டது. மூடப்படுவதற்கு முன்பாக பல விபத்துக்களும், உயிரிழப்புகளும், ஆலையிலிருந்து வெளியேறிய வாயுக்களால் ஏற்பட்ட மூச்சுத்திணறலும் சுற்றுவட்டாரப் பகுதி மக்களிடம் கோபத்தையும் பயத்தையும் ஏற்படுத்தியிருந்தது. நிலத்தடி நீர் பாதிக்கப்படுவது, மண் வளம் பாதிக்கப்படுவது, வளி மண்டலம் மாசுபடுவது, காற்றுவளி மண்டலத்தில் ஆலை தூசுக்கள் பரவி நிற்பது இதனால் அப்பகுதி மக்களுக்கு ஏற்படும் நோய், வாழ்வாதார பாதிப்பு, கால்நடைகள் இறந்து போவது கொடுமைகள் அரங்கேறியுள்ளது…

மேல்முறையீட்டில் உச்சநீதிமன்றம் மூடும் உத்தரவை ரத்து செய்தாலும், அந்த ஆலையின் பல்வேறு அத்துமீறல்களை சுட்டிக்காட்டி ரூபாய் 100 கோடி அபராதம் விதித்து அந்த ஆலையால் ஏற்பட்டுள்ள பாதிப்புகளை சரி செய்ய உத்தரவிட்டிருந்தது

இவ்வித ஆலைகள்  பொது மக்கள் வசிக்கும் இடத்திலிருந்து  குறைத்து  25 கிலோமீட்டர்கள் தூரம் இருக்கவேண்டும் என்கிற கட்டுப்பாடுகள் காற்றில் பறக்கவிட்டு 11 கிலோமீட்டர்கள் இன்னும் 10 கிலோமீட்டர்கள்  என்றுதான் உள்ளது என்பது நிரூபண மாகியுள்ளது…

வேலை வாய்ப்பை பாதிக்கிறது …..ஒவ்வொரு ஆலைகள் தொடங்கும்போது பிரச்சனை செய்தால் வளர்ச்சி என்பது எப்படி சாத்தியம் என்கிற கேள்விகள் சாதாரண கேள்விகள் என்று புறம் தள்ள முடியாததுதான் …….

ஆனால் இந்திய போன்ற ஊழல் மலிந்த நாடுகளில், கோடிகளில் புரளும் வேதாந்தா போன்ற பகாசுர நிறுவனங்கள் அதிகாரத்தையும் நீதியயையும் எதையும் விலைக்கு வாங்க முடியும் என்கிற போது,   மக்களின் இறுதி  கொழுக்கொம்பு என்பது போராட்டத்தை தவிர வேறு என்ன என்பதையும் அறிவார்ந்தவர்கள் ஜனநாயக வாதிகள் நியாயஸ்தர்கள் நினைத்து பார்க்க வேண்டும்…

வெள்ளி, 16 மார்ச், 2018

ஸ்டீபன் ஹாக்கிங்...

ஸ்டீபன் ஹாக்கிங்  பற்றி சொல்லாமலும் அன்னாருக்கு அஞ்சலி செலுத்தாமல் இருந்தால் நான் நேசிக்கும் கொள்கைக்கு  விரோதமாக போகும் … அன்னாரை பற்றி எத்தனையோ கட்டுரைகள் வெளி வந்த வண்ணம் உள்ளன ...   அவற்றில் நான் படித்த சில விஷயங்கள்...
                                                                                                                                                              இங்கிலாந்தில் 1942-ல் ஜனவரி 8-ம் தேதி ஸ்டீபன் ஹாக்கிங் பிறந்தார். ‘கலீலியோ இறந்து சரியாக 300 ஆண்டுகள் கழித்து’ என்று ஹாக்கிங் சொல்லிக்கொள்ள விரும்புவார். பள்ளிப் படிப்பில் ஹாக்கிங் சராசரியான மாணவராகவே இருந்தார். ஆக்ஸ்ஃபோர்டு பல்கலைக்கழகத்தில் சேர்ந்தபோது கணிதமும் இயற்பியலும் மிகவும் எளிமையாக இருந்ததால் ‘பிரபஞ்சவியல்’ அவருடைய ஆர்வத்தை ஈர்த்தது. ஏனென்றால், “இந்தப் பிரபஞ்சம் எதிலிருந்து தோன்றியது என்ற பெருங்கேள்விக்கு ‘பிரபஞ்சவியல்’ தானே விடை தேடுகிறது” என்றார் ஹாக்கிங்.

                                                                                                                                                      


ஆல்பெர்ட் ஐன்ஸ்டைனுக்குப் பிறகு, பொதுமக்களின் சிந்தையை ஸ்டீபன் ஹாக்கிங் அளவுக்குக் கொள்ளை கொண்ட, உலகெங்கும் கோடானு கோடி மக்களால் நேசிக்கப்பட்ட வேறொரு அறிவியலாளரை நம்மால் காண முடியாது” என்கிறார் கோட்பாட்டு இயற்பியலாளர் மிஷியோ காக்கு.



இந்தப் புகழை ‘காலத்தின் சுருக்கமான வரலாறு: பெருவெடிப்பிலிருந்து கருந்துளைகள் வரை’ (எ ப்ரீஃப் ஹிஸ்டரி ஆஃப் டைம்: ஃப்ரம் பிக் பேங் டு ப்ளாக் ஹோல்ஸ்’) என்ற 1988-ல் வெளியான நூலின் மூலம் ஹாக்கிங் பெற்றார். இதுவரை ஒரு கோடி பிரதிகளுக்கும் மேல் அந்த நூல் விற்றிருக்கிறது.



1982-ல் ‘பிரிட்டிஷ் பேரரசின் கமாண்டர்’ என்ற கௌரவப் பதவி ஹாக்கிங்குக்கு அளிக்கப்பட்டது. 2012, லண்டனில் நடைபெற்ற பாராலிம்பிக்ஸ் விளையாட்டுப் போட்டிகளின் தொடக்க நிகழ்வின் நாயகர் ஹாக்கிங்தான். அவருக்கு அளிக்கப்படாத ஒரே ஒரு கௌரவம் நோபல் பரிசுதான். அதைப் பற்றியும் கனக்கச்சிதமாக ஹாக்கிங் இப்படிச் சொன்னார், “ஆராய்ந்து பார்த்து உறுதிசெய்யப்பட்ட கோட்பாட்டியல் பணிகளுக்குத்தான் நோபல் பரிசு வழங்கப்படு கிறது. நான் எந்த விஷயம் குறித்துக் கோட்பாடுகளை உருவாக்கினேனோ அதை ஆராய்ந்து பார்ப்பது மிக மிகக் கடினம்!”



மனித குலம் நீடிப்பதற்கு விண்வெளி ஆராய்ச்சி மிகவும் முக்கியம் என்றார் ஹாக்கிங். “உலகளாவிய அணுஆயுதப் போர், மரபணுத் தொழில்நுட்பம் மூலம் வடிவமைக்கப்பட்ட வைரஸ், இன்னும் நாம் கற்பனையே செய்திராத ஆபத்துகள் போன்றவற்றால் ஏற்படும் பேரழிவால் பூமியில் உயிர்வாழ்க்கைத் துடைத்தழிக்கப்படுவதற்கான சாத்தியம் அதிகரித்துக்கொண்டே இருக்கிறது” என்று ஹாக்கிங் 2007-ல் கூறினார்.

கடவுளையும் மதத்தையும் பற்றி ஹாக்கிங் கூறியவை பெரும் எதிர்ப்பையும் சர்ச்சையையும் கிளப்பிவிட்டன. பிரபஞ்சத்தின் உருவாக்கத்தைப் பற்றி விளக்குவதற்கு இந்தப் பிரபஞ்சத்தின் வெளியில் உள்ள, கடவுள் போன்ற எதன் உதவியையும் நாட வேண்டிய அவசியம் இல்லை என்றார் ஹாக்கிங்.

‘தி கார்டியன்’ பத்திரிகைக்கு அளித்த பேட்டியில் ஹாக்கிங் இப்படிச் சொன்னார், “மனித மூளையைக் கணினியைப் போலவே நான் கருதுகிறேன். அதன் அங்கங்கள் எல்லாம் வேலையை நிறுத்திக்கொள்ளும் போது அதுவும் (மூளை) வேலையை நிறுத்திக்கொள்ளும். முற்றிலும் பழுதுபட்டு இயக்கம் நின்றுபோன கணினிக்கு சொர்க்கமோ அடுத்த பிறவியோ கிடையாது. சொர்க்கம், அடுத்த பிறவி என்ற கதையெல்லாம் இருட்டைப் பார்த்துப் பயப்படுபவர்களுடையது.’

தன் வாழ்நாளின் கணிசமான பகுதியைக் கருந்துளை களையும் பிரபஞ்சப் பேரழிவையும் ஆராய்வதற்காகச் செலவிட்ட ஹாக்கிங்குக்கு இருட்டைப் பார்த்துப் பயம் கிடையாது. அவர் சொன்னார், “கருந்துளைகள் என்ற பெயரை அவற்றுக்கு வைத்திருப்பதற்குக் காரணம், தாங்கள் அழிக்கப்படுவதைக் குறித்தும் ஏதோ ஒன்றால் தாங்கள் விழுங்கப்படுவது குறித்தும் மனிதர்கள் கொண்டிருக்கும் அச்சம்தான். கருந்துளைகளுக்குள் எறியப் படுவது குறித்து எனக்குப் பயமேதும் கிடையாது. அவற்றை நான் புரிந்துகொண்டிருக்கிறேன். ஒரு வகையில் அவற்றின் எஜமானனாக நான் என்னை உணர்கிறேன்!”

நாம் அவருக்கு செலுத்தும் அஞ்சலியே அவர் எழுதிய புத்தகத்தை வாசிப்பது மட்டுமே என நான் நம்புகிறேன்…
வாழ்க ஸ்டீபன் ஹாக்கிங் நாமம்!
 வளர்க அவர் கண்டுபிடித்த அறிவியல் வழி!





x

சனி, 10 மார்ச், 2018

விதியே .. விதியே…


அஸ்வினி பரணி  என்று ஏதோ பெயரில் உள்ள குழந்தைகள் காதலிக்கும் என்பதை இன்றய இளைஞர்கள் நினைப்பதே அருவருப்பான விஷயம்.. அதற்கு மேல் அந்தக் குழந்தைகள் எனக்குத் துரோகம் வேறு செய்துவிட்டதாகக் கூறுகிறான் அந்த மனநோயாளி…

தாலி வேறு கட்டாயமாக அந்தக் குழந்தைக்குக் கட்டியிருக்கிறான்.. அப்போதே இவன் மீது கிரிமினல் குற்றஞ்சாட்டி உள்ளே தள்ளியிருக்க வேண்டும்..

தொலைக்காட்சியில் விவாதத்தில்  ஒரு பெண்மணி சொல்கிறார்... பெண்கள் உடைகளில் கவனமாக இருக்க வேண்டுமாம்… அய்யா அதற்கு பதில் அனைத்து சிறுமிகளும் இளம் பெண்களும் படிக்கக் கூடாது வீட்டில் பூட்டிக் கிடக்க வேண்டும் என்று சொல்லிவிடாமா....?

இதற்குப் பதில்  இப்படிப்பட்ட மனநோய் இளைஞர்கள் வெளியில் நடமாடவே கூடாது என்று சட்டம் போடலாம் என்பேன்..

இந்த ஆண் கூட்டத்திற்கு எந்த மாதிரி கவுன்சலிங் கொடுக்கலாம் என்று அறிஞர்கள் யோசனை செய்து சொன்னால் அதனை அமலாக்கலாம்..

புதன், 7 மார்ச், 2018

சிலைகளை உடைத்தால் ....




சிலைகளை உடைக்கலாம் யார் வேண்டுமானாலும் ....
ஆனால் சித்தாந்தங்களை உடைக்க முடியாது .....
அவைகள் சொன்னவை சொன்னவைகள்தான்.... 
இன்றும் உயிர்ப்புடன் வழிகாட்டும் சித்தாந்தம்.......... 
அதை நடைமுறை படுத்தியத்தில் வந்த கோளாறுக்கு சிலைகளோ சித்தாந்தங்களோ என்ன செய்யும் ......
உடைந்த லெனின் சிலை சொல்லாமல்  சொல்கிறது உலகமெங்கும் பாட்டாளி வர்க்கத்தின் நிலை இதுதான் என்றா ...?

ஞாயிறு, 4 மார்ச், 2018

திரிபுரம் எரித்த திரிபுரா...


கடந்த   2016  ஆண்டு  நான் சென்னையிலிருந்து தஞ்சைக்கு உழவன் எக்ஸ்பிரசில் பயணித்தேன்.. தேர்தல் அறிக்கப் பட்ட காலம்,..  வழக்கத்துக்கு மாறாக போலீஸ் இருந்ததைப் பார்த்தேன்.. காரணம் புரியவில்லை,, காலையில் தஞ்சையில் இறங்கியதும்தான் தெரிந்து கொண்டேன் .. நானும்  அன்றைய திரிபுரா முதல்வர் மாணிக் சர்காரும் உழவன் எக்ஸ்பிரசில்   பயணித்திருக்கிறோம் என்று…   என் வாழ்க்கையில் ஒரு மாநில முதல்வருடன் சேர்ந்து பயணித்தது அதுதான் முதல் முறை..

அன்று முழுவதும் தோழர் மாணிக் சர்க்கார் தஞ்சைப் பகுதியில் தோழர்கள் புடை சூழ நடந்து வந்து கொண்டேயிருந்தார்.  இன்றய காலகட்டத்தில் இப்படி ஒரு முதல்வரை நாம் பார்ப்பது என்பதே நம்ப முடியாது..

நாம் கக்கனையும் காமராஜரையும் கேள்விப் பட்டிருக்கிறோம்… ஆனால் நேரில் சந்திக்கவில்லை.. ஆனால் அப்படிப்பட்ட ஒரு மனிதரை   நான் நேரில் காணும் வாய்ப்பை பெற்றேன்..   இவரா  தோற்ப்பார் என்று என்னால் நம்பமுடியவில்லை..   … அவர் கட்சி மண்ணைக் கவ்வியிருக்கிறது என்பதை நம்பவே முடியவில்லை..  இதன் காரணம் வேறு எங்கும் தேடி அலையவேண்டியதில்லை..

ஜெயகாந்தன் தலைப்பு ஒன்று நிழலாடுகிறது… “ உண்மை சுடும்..“  நாம் இந்த விஷயத்தை காய்தல் உவத்தலின்றி பார்ப்போம்…

திரிபுராவின் களம் என்பதே எளிமையானது  வங்காளிகள் திரிபுராவின் பூர்வக் குடிகள் என்கிற ஒரு டிவைட் தெளிவாகவே உள்ளது..

தோழர்  எச்சூரி அவர்கள் வழக்கமாக EVM மிஷினை குற்றஞ்சாட்டுகிறார்.. அந்தக் கருவிதானே மார்க்சிஸ்ட்டின் வாக்கு சதவிகிதம் பாஜகவைவிட அதிகம் என்கிறது..  அதையும் மறுப்பாரா..?   ஆக அதுவல்ல விஷயம்..

இன்றய தமிழ் இந்துவில் ஒரு செய்தி வந்திருக்கிறது.. மாணிக் சர்க்கார் ஒரு பெங்காலி பற்றாளர். ,ஆட்சி அதிகாரத்தில் பழங்குடியினாருக்கான பங்கை அளிக்காதவர் என்று பாஜக பிரச்சாரம் செய்திருக்கிறது.. அது வலிமையாக அவர்களை சென்றைடைந்திருக்கிறது..

திரிபுரா பழங்குடி  மொழியை வங்காள மார்க்சிஸ்ட் முதல்வர்கள் நிருபன் சக்ரவர்த்தி, தசரததேவ்,மாணிக் சர்க்கார் அழித்தனர் என்கிற குற்றச்சாட்டை திரிபுரா மக்கள் ஏற்றிருக்கிறார் என்பதே உண்மை..

திரிபுரா அரசியல் என்பது மண்ணின்  மைந்தர்களான பழங்குடியினருக்கும் வங்காளிகளுக்கும் இடையிலான போட்டி என்றே உருவாகிவிட்டதை பாஜக நன்கு  பயன் படுத்தியிருக்கிறார்கள்..

பழங்குடியினர் பாஜகவுடன் இணைந்து தோற்கடித்து உள்ளனர்.

திரு ஆழி செந்தில்நாதன் என்கிற சமூக செயற்பாட்டாளர்  தன்னுடைய முகநூலில் சில கருத்துக்களை தெவித்துள்ளார்..  அது எத்தனை காத்திரமான கருத்து என்பதை நீங்களே பார்க்கலாம்..


அவர் கூறுகிறார்,“ ஆனால் பாஜகவுக்கு இது மிகச்சுலபத்தில் கிடைத்த வெற்றி அல்ல. 2010 முதல் வட கிழக்கில் பாஜக தொடர்ச்சியாக செய்துவந்த செயல்பாடுகளின் பலனை இப்போது அது அறுவடை செய்கிறது. திரிபுராவைப் பொறுத்தவரை வங்காளப் பெரும்பான்மையரின் கட்சியான சிபிஎம்முக்கு, முன்பு பழங்குடியினரிடமும் செல்வாக்கு இருந்தது. இப்போது பழங்குடியினர் ஐபிஎஃப்டி வழியாக பாஜகவை ஆதரிக்கிறார்கள். வங்காளிகள் மத்தியிலும் பாஜக பெருவெற்றி பெற்றிருக்கிறது

இந்தியாவின் மற்ற பகுதிகளில் ஜாதிகளை வைத்து 'சோஷல் எஞ்சினியரிங்' செய்யும் பாஜக வடகிழக்கில் இனக்குழுக்களை வைத்து அதை செய்துமுடித்திருக்கிறது. இன்றைய பாஜக கூட்டணி வெற்றிக்கு உழைத்தவர்களில் பலர் முன்னாள் "பிரிவினைவாதிகள்" அல்லது வடகிழக்கின் பல்வேறு இனங்களின் தேசியவாதிகள் என்பது குறிப்பிடத்தக்கது.

சிபிஎம் எதிர்கொள்ளும் சவால் வேறொன்று - வங்கத்திலும் திரிபுராவிலும் வங்காள இன மக்களிடம் சிபிஎம் தொடர்ந்து தன் செல்வாக்கை இழந்துவருகிறது. வங்க மக்களிடம் வங்காள தேசிய உணர்வை ஆழப்படுத்தியிருந்தால் இன்று சிபிஎம் மேற்குவங்கத்தையும் திரிபுராவையும் இழந்திருக்காது. (கேரள சிபிஎம் மலையாள தேசிய உணர்வை ஆழமாக நம்பும் கட்சி). வங்காளிகளை இந்துஸ்தானிகளாக நினைத்த சிபிஎம் இப்போது இந்துஸ்தானிகளின் பிரதான கட்சியான பாஜகவுக்கு தனது வாக்குகளை பறிகொடுப்பது தவிர்க்க இயலாத ஒன்று. ..அதற்கு வடகிழக்கின் இனக்குழுக்களின் அரசியலை நன்கு உற்றறிந்து புரிந்துகொள்ளவேண்டும்.“ என்று முடிக்கிறார் திரு ஆழி செந்தில்நாதன்..

இதைவிட சிறப்பான கருத்தாக்கம் இந்தப் பிரச்சனையில் நான் காணமுடியவில்லை…